Bunaíodh Na Gaeil Óga in 2004 chun cabhrú leis an bhfeachtas STÁDAS ar son aitheantas mar theanga oifigiúil oibre san Aontas Eorpach a bhaint amach don Ghaeilge.

Bhí ról lárnach ag mic léinn 3ú léibhéal san fheachtas buach sin agus ó shin i leith tá fás agus fobairt nach beag tágtha ar NGÓ ar fud na hÉireann.

Tá craobhacha ag an eagras i mBaile Átha Cliath, Béal Feirste, Corcaigh, Gaillimh agus Luimneach agus tá tuilleadh á chur ar bun de réir a chéile.

Ar phríomhchuspóirí NGÓ tá ócáidí sóisialta a eagrú do chainteoirí óga Gaeilge agus feidhmiú mar bhrúghrúpa teanga do mhic léinn agus do Ghaeil óga eile.

In 2008 tá sé i gceist NGÓ a struchtúrú mar scátheagras náisiúnta do na Cumainn Ghaelacha in ollscoileanna na hÉireann, rud a thabharfadh cumhacht sa bhreis do ghlór ghluaiseacht óg na Gaeilge.