Fáilte curtha ag Na Gaeil Óga roimh fhón póca nua le Gaeilge Samsung
Níos mó ná dhá bhliain tar éis do Na Gaeil Óga tús a chur lena bhfeachtas Gaelú na bhFón Póca, tá fón póca nua, an Tocco, á chur ar an margadh ag Samsung a mbeidh ar a chumas an Ghaeilge a láimhseáil.Ní hamháin go mbeidh clár úsáideora an Tocco ar fáil go huile is go hiomlán trí Ghaeilge, ach beidh úsáideoirí in ann teachtaireachtaí SMS a chumadh le cabhair ó fhoclóir Gaeilge an fhóin. Beidh an Tocco ar cheann de na fóin phóca is fearr i réimse Samsung nó beidh scáileán tadhallíogair aige, cosúil leis an iPhone.
“Léiríonn toil Samsung an Tocco a chur ar fáil le cumais Ghaeilge air, go bhfuil éileamh ar theicneolaíochtaí le Gaeilge, agus go bhfuil na hacmhainní ag comhlachtaí teileachumarsáide a dtáirgí a chur in oiriúint do Ghaeilgeoirí” adúirt Seán Ó hAdhmaill, Cathaoirleach Na Gaeil Óga.
Ó cuireadh tús leis an bhfeachtas i mí Feabhra, 2006, tá roinnt comhlachtaí
teileachumarsáide tar éis gealltanais áirithe a thabhairt mar a gheall ar a dtiomantas don Ghaeilge. “Tá leagan Gaeilge dá suíomh gréasáin seolta ag an soláthraí seirbhíse Meteor agus tá Vodafone ag obair ar sheirbhísí Gaeilge a sholáthar, ach is é seo an dul chun cinn is mó atá déanta ó thús an fheachtais” adúirt Ó hAdhmaill.
Ní fios go fóill cén soláthraí seirbhíse sa Phoblacht a mbeidh an Tocco á dhíol acu, ná níl aon bharúil tugtha ag Samsung ach an oiread faoi dhíol an fhóin sa Tuaisceart. Leanfaidh Na Gaeil Óga ar aghaidh ag stocaireacht le déantúsóirí eile fón póca chun go leathnófaí an rogha do phobal na Gaeilge thar fud an domhain, fóin phóca le Gaeilge a bheith acu.
beocht úr
Le roinnt blianta anuas tá
Mar is eol daoibh go léir, tá fás olllmhór ar Chumainn Ghaelacha na n-institiúidí 3ú leibhéal faoi láthair. Tá beagnach
Tugtar 'Glúin TG4' ar na Gaeil óga seo ach tá sé in am dúinn anois an tionchar seo a úsáid agus dul i bhfeidhm ar shochaí na hÉireann.
Sna míonna amach anseo beidh eolas ar ár suíomh maidir le forbairtí nua